वांगे भाजून साल काढून कुस्करून घ्यावे. टोमॅटो बारीक चिरून घ्यावा. कांदा+हिरव्या मिरच्या मिक्सरमधून वाटून घ्याव्यात. कढईत २ टेबलस्पून तूप तापवून त्यात कांदा+मिरची वाटण परतावे. मग टोमॅटो घालून परतावा. कडेने तूप सुटू लागले की मग वांगं, इतर मसाले व मीठ घालून नीट परतावे. भरीत कोरडे व्हायला लागले की त्यात किसलेले पनीर घालून १-२ मिनिटे परतून उतरवावे. वरून चिरलेली कोथिंबीर पेरावी.