१. प्रथम हरभरा डाळ नीट निवडून धुवून भिजत घालावी. साधारण ३ ते ४ तास झाले व ती चांगली भिजली की निथळून घ्यावी. चांगली भिजल्याची खुण म्हणजे  डाळ दातानी नीट चावता यायला हवी.

२. निथळलेली डाळ मिक्सर वरून भरड वाटून घेणे. फार मउ करायची नाही.

३. कढईत तेल मध्यम आचेवर तापत ठेवा. ते पुरेसे तापले की त्यात मोहरी, जीरे, हिंग, त्यात बारीक चिरलेल्या हिरव्या मिरच्या व  कढीलींब घालून खमंग फोडणी करा. आता भरडून घेतलेली डाळ घाला व परता. डाळ कोरडी होईपर्यंत खमंग परता.झाकण ठेवून एक वाफ द्यावी, त्यनंतर ओला खवलेला नारळ घालून परतावे. त्यात साखर, मीठ, आले ,अर्धा चमचा लाल तिखट ,हळद चवीनुसार घालून २ मिनिटे वाफ द्यावी. आता आच बंद करावी.

४. चिरलेली कोथिंबीर, लिंबाचा रस आवडीप्रमाणे घालून खायला द्यावे. परत वरती ओले खोबरे भुरभुरावे.