कालचा संदर्भ थोडा आज आहे ,
आणि याचा जीवनाला 'माज' आहे ॥
कोणत्या स्वप्नातही मुमताज नाही,
मालकीचा एक माझ्या 'ताज' आहे ॥
आणि याचा जीवनाला माज आहे ॥
कालच्या काळातले तात्पर्य थोडे,
अन उद्याचा तोकडा अंदाज आहे॥
आणि याचा जीवनाला माज आहे ॥
सात्त्विकाचा ध्यासही आहे जरासा,
अन जरासा रांगडासा बाज आहे॥
आणि याचा जीवनाला माज आहे ॥
आतले काहीतरी लपवू पाहातो
माहिती सगळ्यांस माझे 'राज' आहे ॥
आणि याचा जीवनाला माज आहे ॥