रानवेड्या पाखराशी भेट झाली त्या कळीची
का हव्याशा वाटणार्या आठवांना टाळले मी
फक्त आहे तीच सोबत हेच होते मानले मी
....................................................
फोन नंबर दे म्हणाला तो मलाही शेवटी.. मग-
भेटण्याचे , लाजण्याचे.. हे... मनोरे बांधले मी
रानवेड्या पाखराशी भेट झाली त्या कळीची
अन् फुलाला जागण्याचे भान आले.. .जाणले मी
............................................
आज माझ्या सोबतीची का धरावी आस त्याने ?
जीवघेणे पावसाळे एकटीने काढले मी
बोलतो तो एक ..करतो वेगळे काही.. तरीही
(नाटकी त्या बोलण्यावर केवढे हे भाळले मी)
आणले पैसे कसे ही चौकशी तू का करावी ?
खर्च केला कोणता तू काय केले ...काढले मी?
गप्प असणे, वाकणे ही संमती नाहीच माझी ..
बांधलेली गाय बकरी का कुणाला वाटले मी ?
- सोनाली जोशी