२ वाट्या चांगले मोड आलेले मूग, १ टे. स्पून तांदळाची पिठी, २ आमसुले, ५-६ सुक्या लाल मिरच्या,
४-५ काळ्या मिरीचे दाणे, २ टीस्पून धने, अर्धा खोवलेला नारळ, फोडणीचे साहित्य, कढिलिंब, मीठ, तेल.
२० मिनिटे
२-३ जणांसाठी
मोड आलेले मूग रात्री पुन्हा पाण्यात भिजवावेत. सकाळी साले काढून बिरड्या काढाव्यात. हे सोललेले मूग व कढिलिंब थोडे पाणी घालून शिजवून घ्यावेत. लाल मिरच्या, धने, मिरे कोरडेच भाजून घ्यावे व ओल्या खोबऱ्याबरोबर वाटून घ्यावे. मूग फोडणीस घालून जरा परतावेत. मग त्यात वाटलेला मसाला, मीठ, आमसुले घालावीत. तांदळाची पिठी थोड्या पाण्यात कालवून लावावी म्हणजे रस दाट होतो. जरा वेळ उकळवून मग उतरावे.
नाहीत
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.