..............................
.................
एक नाते...!
............................................... गाडताही येत नाही; जाळताही येत नाही!
एक नाते; जे मला सांभाळताही येत नाही!जीव देणारे जिवाला भोवताली कोण आहे...?
जीव मज कोणावरी ओवाळताही येत नाही!जीर्ण झाले आपले संबंध आता एवढे की -
पान एखादे स्मृतींचे चाळताही येत नाही!वाटते जाऊ नये; पण जायचीही वेळ आली...
काढत्या पायासवे रेंगाळताही येत नाही!एकदा अगदीच वैतागून कंटाळा म्हणाला...
'दुःख माझे हे, मला कंटाळताही येत नाही! 'गैरसोईचीच ना ही एवढी जवळीकसुद्धा?
नीट काहीही कसे न्याहाळताही येत नाही!!मज कळेना कोणती जादू असे लिहिण्यात माझ्या...
कौतुके होती न; पण हेटाळताही येत नाही!!एकदा का उलगडाया लागला की लागला हा...
आठवांचा गालिचा गुंडाळताही येत नाही!एकमेकांची करू या चौकशी आता जराशी...
भेटलो आहोत; तेव्हा टाळताही येत नाही!रंग मज माझा बदलता पाहिजे तेव्हा न येई...
पाहिजे तेव्हा मला गंधाळताही येत नाही!स्वप्न तू उसळून येण्याचे पहा; बंदी न त्याला...
तूर्त ध्यानी ठेव; तुज फेसाळताही येत नाही!- प्रदीप कुलकर्णी
..............................
................
रचनाकाल - २२ जून २००९
..............................................