नकोत ओझी अर्थाची, मोकळे असू द्या
कधी कधी शब्दांनाही मोकळे असू द्या

उगाच बेड्या चरणांना घालता कशाला ?
नकोत छंदांच्या गाठी, मोकळे असू द्या

पहा किती काव्याचे शेवाळले सरोवर
खळाळती ठेवा वाणी; मोकळे असू द्या

दिसून यावा सर्वांना चेहरा कवीचा
असे कवन आरस्पानी, मोकळे असू द्या

असो मुखी यवनी वा गीर्वाण शब्दगंगा
हृदय मराठीच्यासाठी मोकळे असू द्या

  यंदाच्या मनोगत दिवाळी अंकासाठी आपले उत्तमोत्तम लेखन पाठवणार आहात ना?