उधाणाच्या मिषाने ही किती झाडे बहकलेली
तुला बोलावतो सागर तुला बोलावती वाटा
तुझ्या माझ्यामधे आहे किती अंतर किती लाटा...
तुझ्या माझ्या कधी झाल्या म्हणे गप्पा जिव्हाळ्याच्या
कुठे ती ऊब गेली? का असा केलास बोभाटा?
फुलांना त्रास मी नाही दिला ना बोललो काही
कशाचा दंश झाला मज? ...कुणी हा टोचला काटा..
जरा ऐकून तर घे ना म्हणे म्हणणे कुणाचे तू....
(तसे केले कधी मी तर कुणी फोडायचा फाटा?)
इथूनच बघ उद्या होतील अपुल्या वेगळ्या वाटा
दिवस लक्षात्,तू स्मरणात ,आठवणीत हा फाटा
उधाणाच्या मिषाने ही किती झाडे बहकलेली .........
ठिकठिकाणी उडाला दूर पाचोळाच उफराटा!
~सोनाली जोशी