कोकोनट मिल्क पावडर साधारण ४०० मिली कोमट पाण्यात विरघळवून घ्यावी. गुठळ्या राहू देऊ नयेत. लसूण ठेचून घ्यावी. मिरच्या पेर लांबीच्या कापाव्यात. तेल तापवावे. धुरावल्यावर ज्योत बारीक करून मोहरी, जिरे, हळद, मेथी, ठेचलेली लसूण आणि मिरच्यांचे तुकडे घालून ज्योत मोठी करावी. नीट हलवावे. खाली लागायला लागले आहे असे वाटल्याबरोबर ज्योत बारीक करावी आणि मोडावलेले मूग घालावेत. पटापट हलवावे. ज्योत मोठी करून मीठ आणि संडे/गरम मसाला घालून सारखे करावे. चटचटायला लागल्यावर ज्योत बारीक करून नारळाचे दूध घालावे, नीट ढवळून पाच मिनिटे झाकण ठेवावे. झाकण काढून दहा मिनिटे आळू द्यावे. मग ज्योत बंद करून बारीक चिरलेली कोथिंबीर घालावी.
अधिक टीप काहीही नाही.
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.