- सर्वप्रथम चारही डाळी पातेल्यात एकत्र करून घ्या त्यात आवश्यकते नुसार पाणी घाला. १५ ते २० मिनिटे भिजू द्यात.
- आता डाळीत चमचा भर तेल, हळद अर्धा चमचा, चुट्किभर हिंग, मेथिदाणे, मद्रासी कांदे, आलं, पाव चमचा जिरे, टोमेटोच्या फोडी घालून कुकर मध्ये १ शिट्टी झाल्यावर मंद जाळावर ८ ते १० मिनिटॅ शिजवून घ्या.
- कुकराचे प्रेशर गेल्यावर डाळ रवीने छान घोटून घ्या. त्यात चिंचेचा कोळ व गूळ घालून बाजूला ठेवा.
- आता वेळ झाली खमंग फोडणीची. पातेल्यात तेल गरम करून मोहरी घालून ती तडतडल्यावर जिरे, हिंग किंचित, मग मिरची, लसूण दोनही कापलेला व सालासकट घाला. लसूण जरासा गुलाबिसर होत आला की लगेच कढीलिंबाची पाने घालून मग गोडा मसाला, तिखट व किंचित हळद घाला.
- जरासं हालवून पटकन डाळ व गरम पाणी घाला. छान उकळी येऊ द्या.
गरम भाता बरोबर वाढा..... हवे असल्यास ओलं खोबरे व कोथिंबीर वरूण घालून खाऊ शकता.