४ चहाचे चमचे कॉफी+ २ चहाचे चमचे कोको + २ चमचे रम (ऑप्शनल)
२ मोठे चमचे दूध
सजावटीसाठी २ चमचे किसलेले व्हाइट चॉकलेट
१ तास
साधारण २० तुकडे
बटर फेटून घेणे, साखर घालून भरपूर फेटणे. अंडी घालून भरपूर फेटणे. मैदा+ आरारुट+ बेकिंग पावडर घालणे व फेटणे. दूध घालून थोडेसे फेटून मिश्रण एकजीव होईल असे पाहणे. ह्या मिश्रणाचे १/३ आणि २/३ असे दोन भाग करून वेगवेगळ्या भांड्यात काढून घेणे. १/३ भागात वॅनिला अर्क घालणे व ढवळणे. दुसऱ्या भागात म्हणजे २/३ भागात कोको+कॉफी +रम घालणे आणि ढवळणे. केक मोल्डला बटर लावून घेणे. दोन-तीन चमचे वॅनिला घातलेले केकचे मिश्रण, दोन-तीन चमचे कोकोवाले मिश्रण असे करत सर्व मिश्रण घालणे. १८० अंश से ला ३० ते ३५ मिनिटे बेक करणे. केक झाला की नाही ते विणायची सुई किवा सुरी त्याच्या पोटात खुपसून पाहणे. मिश्रण न चिकटता सुरी बाहेर आली म्हणजे केक झाला. साधारण ५ मिनिटे अवनमध्येच राहू देणे. नंतर केक मोल्डमधून काढून जाळीवर घालणे. गार झाल्यावर गार्निशिंगसाठी व्हाईट चॉकलेट किसून घालणे. कॉफीबरोबर आस्वाद घेणे :)
कोणताही केक गार झाल्यावर तुकडे करणे.
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.