प्रथम २ वाट्या शेवया २ चमचे तूप घालून भाजून घ्याव्या.

एकीकडे कांदा, धुतलेली शिमला मिरची व टोमॅटो बारीक चिरून ध्यावा.

नंतर कढई मध्ये फोडणीसाठी २ चमचे तेल घ्यावं, तेल तापल्यावर त्यात हळद आणि चिरून घेतलेली शिमला मिरची व टोमॅटो, कांदा, मटार घालावा, नंतर  त्यात चवीप्रमाणे तिखट घालावं व २ चमचे सांबार मसाला घालावा. झाकण ठेवून भाज्या ५ मिनिटे शिजू द्याव्यात. नंतर २ वाट्या पाणी व चवीप्रमाणे मीठ घालावं. उकळी फुटल्यावर भाजलेल्या शेवया घालाव्या. ३/४ मिनिटे झाकण ठेवावं.

नंतर छान ताटलीत खाण्यासाठी वाढावं, व सगळ्यांनी एकत्र बसून गरम-गरम स्वादिष्ट शेवयांचा आस्वाद घावा.