मे
७
२०११
................................................
वस्त्रे !
.............................................
मागचे विसरून ये माझ्यासवे आता पुन्हा!
ये लिहू माझे-तुझे गाणे नवे आता पुन्हा!
आज मी आलो नव्या गावात कायमचा, तरी
कालचे काहीतरी मज आठवे आता पुन्हा!
काय नक्की पाहिजे ते येत नाही सांगता...
वेगळे काहीतरी पण मज हवे आता पुन्हा!
मी सुखाचा एक झोका घेतला केव्हातरी...
सूर दुःखाचा मला हा जोजवे आता पुन्हा!
पानही माझ्यावरी उरले न हिरवे एकही...
उतरती माझ्यावरी कुठले थवे आता पुन्हा?
दूर दे फेकून वस्त्रे पाप-पुण्याची जरा...
जन्मतानाचेच होऊ नागवे आता पुन्हा!
- प्रदीप कुलकर्णी
.....................................
रचनाकाल : ०१ जानेवारी २००६
....................................
- प्रतिसाद लिहिण्यासाठी येण्याची नोंद किंवा नावनोंदणी करावी.
काय नक्की पाहिजे
प्रे. हर्षवर्धन गोविलकर (शनि., ०७/०५/२०११ - १५:२९).
सुंदर
प्रे. आजानुकर्ण (शनि., ०७/०५/२०११ - १५:३७).
सहमत...
प्रे. यशवंत जोशी (शनि., ०७/०५/२०११ - १८:१७).
दूर दे फेकून वस्त्रे...
प्रे. मिलिंद फणसे (रवि., ०८/०५/२०११ - १४:१७).
वा!
प्रे. योगेश वैद्य (रवि., ०८/०५/२०११ - १८:१४).
मी सुखाचा एक झोका..
प्रे. सतीश वाघमारे (रवि., ०८/०५/२०११ - १८:२९).
उतरती माझ्यावरी कुठले थवे आता पुन्हा?
प्रे. जयन्ता५२ (सोम., ०९/०५/२०११ - १२:४१).
वाव्वा
प्रे. चित्त (मंगळ., १०/०५/२०११ - १२:४७).
मस्त!
प्रे. इशिता (मंगळ., १०/०५/२०११ - १५:३२).
वा
प्रे. जीवन जिज्ञासा (गुरु., १२/०५/२०११ - १३:२९).