मे १५ २०१३

दुधातला दुधी

जिन्नस

  • मध्यम आकाराचा दुधी
  • पाव वाटी मुगाची डाळ
  • लाल तिखट अर्धा चमचा, धनेजिरे पूड अर्धा चमचा,
  • चिरलेल्या हिरव्या मिरच्या २
  • दाण्याचे कूट मूठभर, ओल्या नारळाचा खव मूठभर
  • चवीपुरते मीठ, साखर १ ते २ चमचे, दूध अर्धा ते १ कप
  • फोडणीसाठी तेल
  • मोहरी, हिंग. हळद

मार्गदर्शन

भाजी करण्याच्या आधी थोडावेळ मुगाची डाळ पाण्यात भिजत घाला. दुधी भोपळ्याच्या मध्यम आकाराच्या फोडी करून घ्या. मध्यम आचेवर पातेले तापत ठेवा. ते पुरेसे तापले की त्यात फोडणीसाठी तेल घाला. ते तापले की त्यात मोहरी, हिंग, हळद घालून फोडणी करा व लगेचच त्यामध्ये चिरलेल्या मिरच्या व मुगाची डाळ घालून थोडे परतून घ्या. आता दुधीभोपळ्याच्या फोडी घालून ढवळा. त्यावर झाकण ठेवा. काही सेकंदाने झाकण काढा व त्यात अगदी थोडे पाणी घाला. असे अगदी थोडे थोडे पाणी घालून भाजी शिजवून घ्या. नंतर त्यात लाल तिखट, धनेजिरे पूड, मीठ व साखर घाला. भाजी ढवळून घ्या. नंतर त्यात दाण्याचे कूट व नारळाचा खव घाला व गार दूध घाला. दूध तापवून मग ते गार झाल्यावर घाला. आता परत झाकण ठेवा व थोड्यावेळ भाजी शिजू दे. थोड्यावेळाने झाकण काढा. आता ही भाजी चांगली मिळून मिसळून आलेली असेल. दाटपणाही आला असेल. दूध घातल्याने एक वेगळी चव येते. ही भाजी पोळीपेक्षाही गरम भाताबरोबर जास्त चांगली लागते.

टीपा

टीपा नाहीत.

माहितीचा स्रोत

सौ आई

Post to Feed



दुधीची भाजी ?
कोण खातं?
सुरेख.
धन्यवाद

Typing help hide