गेल्या दोन वर्षापासून आमच्या घरगुती बागेतली रोपे (५ गुलाब, अनंत, सोनचाफा, ब्रह्मकमळ, कृष्णकमळ, गवती चहा, शेवंती, रुक्मिणी तुळस, पुदिना आणि ४-५ शोभेची रोपे) उन्हाळ्यात शक्य तितके जास्तीत जास्त पाणी टाकूनही जळून जाताना पाहावी लागली. आई आणि मी दोघीही खूप रडलो. या वर्षी नाही पडला पाऊस पण पुढच्या वर्षी नक्की पडेल आणि मग आपण रिकाम्या झालेल्या जागा भरून काढायला नवी रोपे आणू असे मनाला टंगवण्यात दोन वर्षे गेली आणि आता पाहावे तर याही पावसाळ्यात पावसाची काही धड चिन्हे दिसत नाहीत. आता मात्र मन नवी झाडे लावण्यात चालढकल करायला तयार नाही पण पाण्याची टंचाई असताना आणिक नवी झाडे लावायची म्हणजे खिशावरचा ताण आणखी किती वाढवायचा तेही पाहणे आले. या सर्व पार्श्वभूमीवर या चर्चा प्रस्तावात मला दोन गोष्टींबद्दल मार्गदर्शन मिळू शकल्यास हवे आहे -