पौर्णिमेच्या अंतरात
असते एक अमावास्या लपलेली
म्हणून तर चोऱ्या होतात
पौर्णिमेच्या दिवशीही..........
अमावास्येतही लपलेली असते
एक पौर्णिमा
म्हणून तर यश मिळतं
अमावास्येच्या दिवशीही ...........
आभाळाच्या अथांग पोकळीत
असतो एक इमला लपलेला
अधांतरी तरीही धरलेला
देवाने...............
देवाच्या इमल्यात असते
एक बायको
पण सैतानाची
वाट मात्र पाहते ती
रोज रात्री देवाची ........
असले उलटे व्यवहार
असले जरी निसर्गाच्या अंतरी
तरीही जीवन बहरत असते
निर्मित असते काही ना काही
काही ना काही ...........
