गायीचे दूध गरम करुन घ्यावे. सायट्रीक ऍसिड थोड्या पाण्यात विरघळून घ्यावे. दुधाला एक उकळी आल्यावर सायट्रीक ऍसिडचे पाणी घालून ते फाडावे. चोथा-पाणी वेगळे झाल्यावर गॅस बंद करावा. तयार झालेले पनीर एका फडक्याने गाळून घ्यावे. ही पनीरची पोटली गार पाण्याच्या  नळाखाली धरावी व हात घालता येईल इतपत गार करून घ्यावे. एका परातीत हे पनीर काढावे व चांगले मळून घ्यावे. त्याचे हव्या त्या आकारात गोळे करावे.

एका कढईत १ वाटी साखर + ४ वाट्या  पाणी एकत्र करुन कच्चा पाक करून घ्यावा. पनीरचे तयार गोळे उकळत्या पाकात घालून झाकण ठेवून १५ मि. शिजवून घ्यावे. मग गॅस बंद करावा.

उरलेल्या २ ली. दूधाची १.५ वाटी साखर घालून बासूंदी करुन घ्यावी. तयार रसगुल्ले हलक्या हाताने दाबून घेऊन बासुंदीत घालावे. एक उकळी आणून गॅस बंद करावा.  चारोळी, बदाम, पिस्ता वगैरेची सजावट करावी. शीतकपाटात ठेऊन थंड करावे व मग अर्थातच खावे.