आमची प्रेरणा : अजब यांची सुंदर गझल भान माझे...
हरवले आहे जरी 'हे' ध्यान माझे
चालले आहे तरी पण छान माझे!...
बोलला राहूल "मी मिस कॉल देतो"
ऐकण्या टवकारते मी कान माझे...
राहती खुर्च्या रिकाम्या नाटकाच्या
काळजी नाही, असे अनुदान माझे!...
चेहरा मी शक्य तितका रंगवावा
लपवण्या तारुण्य-पिटिका-रान माझे!...
जिंकली आहेच मी सौंदर्यस्पर्धा
घट्ट आहे जज्जशी संधान माझे!...
आरसा हसतोय पाहून ध्यान माझे
'खोडसाळा' तोकडे परिधान माझे
