झाली पांडुरंगा! दरिद्री अवस्था;
कलियुग अस्ता! केव्हा जाय?
कुणी ना कुणाला! देतसे लंगोटी;
भल्याच्याही काठी! बसे माथा!
महाराष्ट्रामध्ये! संकटांचा पूर;
वाहे भरपूर! काठोकाठ!
सीमावाद आहे! तसा पाणीप्रश्न;
विजेचाही प्रश्न! सुटेल का?
भ्रष्टाचार येथे! असे शिष्टाचार;
सज्जनांचा फार! दुष्काळ गा!
अशाच आणखी! कित्येक समस्या;
रोज नव्या नव्या! उभ्या पुढे!
धाव आता देवा! पांडुरंग ब्रह्मा;
तुजवीण आम्हा! त्राता नाही!
