आमची प्रेरणा चित्तरंजन यांची सुरेख गझल मुलाहिजा
उगाच काय मी करी तिचा मुलाहिजा
खडूस बाप हा तिचा करेना ना इजा!
जमायचे मला न हातचेच राखणे
(चुकायच्या उगीच का कठीण बेरजा!)
तिला किती जपून मी मिठीत घ्यायचो!
तरी कशा नको तिथेच व्हायच्या इजा!
घरात स्वागतास आज तात का उभे
कसा चुकेल मार आज व्हायची सजा!
किती स्वतःस फासशील अत्तरे इथे?
सुगंध बोकडा तुझा न व्हायचा वजा!
अनोळखीच वाटणार बायको तुला
कधी चुकून "केशवा" घरात जात जा!
