आमची प्रेरणा अदितीताईंची गझल कृपा तुझी रे अपार आहे
जरी अजूनी दुपार आहे,
'बसा'वयाचा विचार आहे ...
कसा करावा विचार पुढचा
'हिचा' मिळाला रुकार आहे
'हिला' बघूनी कसे खुलावे ?
चवळी कसली गवार आहे...
जपून वाका तुम्ही अताशा
घरी हाणला मटार आहे!
(जपून पाडा जरा कविता
तयार "केशवसुमार" आहे!)
अशाच देवा मिळोत कविता
कृपा तुझी रे अपार आहे!
बघा विडंबन लगेच आले
टपून "केशवसुमार" आहे!
--केशवसुमार
(२३.११.२००७,
कार्तिक शू १४ शके १९२९)
(ही रचना ह घ्या हे वे सां न ल .)
