कर्नाटकची राणी
व्हाया हरखुन गेली कमळाबाई;
मुखात मारुन मटकन बसली
हिरमुसलेली कमळाबाई !
पदर धरोनी हिचा जयांनी लुळा-पांगळा प्रवास
केला--
'ठिकाण' येताच ते म्हणाले --भरकटलेली कमळाबाई
ठरले-तुटले, तुटले-ठरले कुणी
कुणाला कितिदा वरले ?
परित्यक्ता ही अखेर झाली नवी-नवेली
कमळाबाई !
बाप-लेक ते बनेल कोल्हे काटा-छापा खेळुन
गेले;
साधन म्हणुनी वापरली ही --खुळी 'अधेली' कमळाबाई
धर्मि-निधर्मी करार झाला,
अदलुन-बदलुन पाळी करू या
पाळी येता गलका झाला -- 'विटाळलेली
कमळाबाई' !
सत्ता-डोही न्हाण्याचीही ओढ जिवाला ओढत
असता--
कावेरीच्या पाण्याविण ही सुकली वेली कमळाबाई
निधर्मवादी मधुमेहींनी छान
मतलबी पथ्य पाळले--
चाटुन-चोखुन दूर लोटली ही गुळभेली
कमळाबाई
शिवाजी
जवरे
दीपनगर - ४२५ ३०७
ता. भुसावळ, जि. जळगाव
( येदियुरप्पा मुख्यमंत्रिपदी आरूढ होण्यापूर्वी ही हझल
लिहिली होती.)
