चिकन स्वच्छ करून लहान तुकडे करून घेणे. त्याला निम्मी आलेलसूण पेस्ट व चिकनमसाल्यातला निम्मा मसाला (साधारण मोठा चमचाभर) चोळून ५ ते १० मिनिटे ठेवणे. तोपर्यंत कांदा चौकोनी चिरणे, टोमॅटोच्याही फोडी करणे.
एका कढल्यात तेलावर हे चिकन पिस गोल्डन ब्राउन रंगावर परतून घेणे व बाजूला काढून ठेवणे.
त्याच उरलेल्या तेलावर बटर घालणे व त्यावरच कांदा परतणे, चिकन मसाला, गरम मसाला, तिखट, हळद, कसूरी मेथी, आले लसूण पेस्ट घालणे व परतणे. टोमॅटो घालणे व परतणे. अगदी थोडे पाणी घालून झाकण ठेवून शिजवणे. सगळे मिश्रण एकजीव झाले पाहिजे. थोडे गार झाले की मिक्सरमधून हे मिश्रण काढणे. एकदम गुळगुळीत झाले पाहिजे.
आता हे मिश्रण परत कढल्यात घालून ४ ते ५ मिनिटे शिजवणे. १ चमचा टोमॅटो केचप घालणे. हवा असल्यास किंचित तंदूर रंग घालणे. चिकनपिसेस घालणे व परत साधारण ५ ते ७ मिनिटे शिजवणे. चमचाभर साखर व चवीनुसार मीठ घालणे. फ्रेश क्रिम घालणे व ढवळणे. कोथिंबिरीने सजवणे.