गेली हवा स्पर्शुनी

काटा अंगावर आला

निळ्या नदीपलिकडे

उगवला चंद्र ओला ll ध्रु. ll

                         तुजकडुनी जे लाभले

                         जीवन ते जपले मनी,

                         तुजविना कालही

                         आजही, नाही कुणी ll १ ll

जवळ तुझ्या यावे तसे

अंतर हे वाढे कसे?

कुठेतरी, दूरवरी

झलकही तव ना दिसे ll २ ll

                         गावी कुण्या अज्ञातशा

                         मन जाते मज घेउनी,

                         तुजविना दिनरातही

                         नाकळे मज मनी ll ३ ll

मूळ हिंदी गाण्याच्याच चालीत बसेलसं भाषांतर करायचा प्रयत्न केलाय. कसा जमलाय / फसलाय ते जरूर सांगा. सूचनांचं स्वागत आहे.

गाणं ओळखा, गायक-गायिका, चित्रपट-अल्बम याविषयी माहिती सांगा. उत्तरांची वाट पाहतेय.