त्यांच्या जगण्यात आदर्श आहे
आमचा आदर्शच जगणे आहे
आमची अवस्था अशी का?
आमचे हे असेच जगणे आहे

         त्यांच्या लढण्यातच धर्म होता
         आमच्या धर्मातच लढाया आहेत
         ते लढले नेहमीच पापाशी
         आमची लढाई पोटाशीच का?

त्यांच्या अवगुणातही गुण आहेत
आमच्या गुणातही अवगुण का?
ते पुरुषोत्तम होऊन गेले जगात
आम्ही साधे उत्तम पुरुष नाही का?

         त्यांच्या जीवनात भव्यता आहे
         आमचे भव्यतेत जीवनं आहे
        त्यांनी आदर्श उभा केला मानसात
        आमच्या जीवनात आदर्शच नाही ना!