तीन हिरव्या मिरच्या तुकडे करून, बारा-पंधरा कडीपत्त्याची पाने
सहा-सात चमचे तेल, चवीनुसार मीठ व एक चमचा साखर
एक चमचा धणेजिरे पूड, पाव चमचा गरम मसाला, एक चमचा लाल तिखट व तीन चमचे तीळ
खोबऱ्याचे पातळ काप अर्धी वाटी ( ऐच्छिक )
१५ मिनिटे
चार माणसांना
पातळ पोहे चाळून घ्यावेत. पाव किलो पोह्याचे तीन भाग करून एक भाग एका वेळी कढईत घेऊन मध्यम आचेवर भाजावे. सारखे हालवत राहावे. पोहे हाताला चांगले गरम लागले की लागलीच थाळीत/पातेल्यात काढून घ्यावे व दुसरा भाग भाजावा. सगळे पोहे भाजून झाले की मीठ व साखर घालून व्यवस्थित मिसळून बाजूला ठेवावे. कढई प्रत्येक भाग भाजताना स्वच्छ करून घ्यावी.
आता कढईत तेल घालून तापले की नेहमीप्रमाणे मोहरी- हिंग - हळदीची फोडणी करावी. त्यात मिरची व कडीपत्ता घालून ते तडतडले की तीळ घालून हालवावे. मिनिटभराने शेंगदाणे घालून भाजावे. तीन-चार मिनिटांनी डाळे आवडत असल्यास खोबऱ्याचे पातळ काप घालून अजून तीन मिनिटे हालवावे. मग काजू, लाल तिखट, धणेजिरे पूड व गरम मसाला घालून दोन मिनिटे हालवून ही फोडणी पोह्यांवर घालावी. कढईत थोडे पोहे घालून सगळे तेल शोषून घ्यावे. नंतर पोहे व फोडणी एकजीव करावी. कमी तेलात व अतिशय झटपट व चविष्ट चिवडा तयार.
पोहे चाळून घ्यावेत म्हणजे भूसा राहणार नाही. पोह्यांचा भूसा भाजताना पटकन जळतो व त्यामुळे जळका वास चिवड्याला येतो. तसेच प्रत्येक वेळी भाजून झाले की कढईतील पोहे काढल्यावर ती स्वच्छ पुसून घेऊनच दुसरे पोहे भाजावेत. पोह्यांवर फोडणी टाकली की कमीतकमी सात-आठ मिनिटे व्यवस्थित हालवून एकजीव करावे.
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.