करून पुजन कार्यारंभ होईल आता
नमन गणपतीबाप्पा कृपाळू अनंता
अडचण कसली आता नको बुद्धीवंता
सुरळित भगवंता सर्व व्हावेच आता
धुप फुल उदबत्तीने सुरुवातच व्हावी
मधुरनजर बाप्पा मोरयाची पडावी
तुळस, पत्र शमीचे, एकवीसच दुर्वा
प्रथम स्मरण देवा श्री गणेशायनमः
धुसर, पुसट रस्ता तो त्वरे सापडावा
मग यशमयच शिंतोडा तरी तो पडावा
विसर पळभरासाठी तुझा ना पडो रे
सततच शुभ वार्ता मंगलाची कळो रे
नकळत घडल्या चुकास माफी असावी
जन मन दुखवावे ती कृती ना घडावी
जप-स्मरण सहस्त्रवेळ होते तुझे ते
सहजच मग होती प्रश्न सारे मुके ते
सुखमय क्षण सर्वांनाच लाभो गणेशा
वर मज एक द्यावा, प्राप्त व्हावी तितिक्षा.
