वाटे न जे घडावे ऐसे घडेल आता
ज्याचा असे भरोसा तोची नडेल आता
आधार जो निघाला सरली जमीन ऐसी
आहे उभा तरीही वाटे पडेल आता
सर्वांस दु:ख देतो कित्येक शाप घेतो
वाहून नेत्र जाती ऐसा रडेल आता
सत्ता अधीन होता जो ना दिसे कुणाला
गल्लीतल्या सभेला तो सापडेल आता
खुंटून जावि प्रज्ञा इतुके न आळ्सावे
बुद्धीस चालना दे मेंदू सडेल आता
सुग्रास व्यंजनेही रुचली कधीच नाही
''कैल्या''तुला शिळेही घे आवडेल आता.
डॉ.कैलास गायकवाड
