कट्ट्यावरती बसला होता म्हातारा एक

तृप्त विरक्त तरी उदासवाणे भाव नजरेत  १

दिसत होती अनुभवाची खाण पाठीशी

थबकले परी शब्द होते त्याच्या ओठाशी  २

नव्हते देणे आणि घेणे आजुबाजूला

येणाजाणाऱ्यांच्याही  नव्हता खिजगणतीला  ३

नव्हते कोठे जायाचे  अन यायचेही नव्हते

घरीही कोणी दारापाशी वाट पाहत नव्हते  ४

उसंत होती वेळही होता न्व्हता कामाचा ताण

घालवायचाच होता येणारा हर क्षण  ५

विचार आला तेव्हा , मनाशीच माझ्या

असतील त्याने केल्या , किती गोष्टी कामाच्या  ६

नसेल उसंत झोपही नसेल

पैसा पण असेल परी

मिळतेजुळते घेऊनसुद्धा

नसेल वेळ हाता !  ७

असेल सत्ता पदही असेल

असेल विचारत प्रत्येक

आज मात्र उरला होता

एकटाची एक  ८

कट्ट्यावरती बसला होता म्हतारा एक

तृप्त विरक्त परी उदासवाणे भाव नजरेत !!