कोठे गेला? लपला पाउस
येता येता विरला पाउस
वांझोट्या मेघाच्या पोटी,
आस फुकाची, कुठला पाउस !
गरिबांशी देणे ना घेणे
टाटा बिर्ला बनला पाउस
फास कसाया शेतकऱ्याच्या
मानेला, ओसरला पाउस
शुष्क कधी ओल्या दुष्काळी
क्रूरपणाने हसला पाउस
दिंडीमार्गी काय बरसला !
भक्ति रसाने भिजला पाउस
तप्त धरेला हिरवा शालू
भेट कराया पडला पाउस
मल्हाराचा सूर होवुनी
धोधोधो कोसळला पाउस
जंगल, हिरवळ घटली इतकी
"निशिकांता" गुदमरला पाउस
निशिकांत देशपांडे मो.नं. ९८९०७ ९९०२३
E Mail :-- दुवा क्र. १
