भासते त्यांना गुळाचा घास मी
मुंगळ्यांचा सोसते मग त्रास मी
जे नको ते चुंबिते हमखास मी
खात असते त्यामुळे मुखवास मी
वेळ इतका का बरे तुज लागतो?
मोजते आहे पळे अन तास मी
फ्लॉपले 'उमराव'ही अन 'डॉन'ही
त्यापरी पाहीन पुन्हा 'श्वास' मी
गायचे होते तिला, ती रेकली
लावला म्हणुनी तिला गळफास मी
का हिडिंबा वाटते मी स्थूलशी
आजवर केला कुठे उपवास मी
काय भूगोलास माझ्या पाहसी
जाणते सारा तुझा इतिहास मी
सोडवू मेल्या कशी गणिते तुझी
कैकदा विषयात त्या नापास मी
आमची प्रेरणा - प्रसाद ह्यांची गझल वेदनांची मांडतो आरास मी