पावले
"निलाजरी, बदनाम करती पावले"
ठसे पाहुनी अपुले चिडती पावले!
"मलाच का नकली पैंजणे मिळाली?"
'छन छन' करीत कुठे कुढती पावले!
फलंदाजाना बघ नडती पावले
धाव घेण्यास जी न हलती पावले!
पुन्हा पुन्हा का लक्ष्मणरेष ओढतो ?
मुंग्यांची इथे ना पडती पावले
परावलंबित्व काय असते वेगळे?
जोडे भिजले तशी भिजती पावले!
न राहिले चपलचरण सौदामिनी......
वाहून भार किती थकती पावले!
दहा प्रकार लिहिण्या होते मोकळे..
पण विडंबनाकडे वळती पावले
- कारकून
माझी प्रेरणा मिलिंद फणसे ह्यांची गझल- पावले
