आमची प्रेरणा मानस यांची सुरेख गझल एक वेडी वेदनेची जात आहे.

गटारी रात....

रोज मी मद्यालयी का जात आहे?
आज साली पण गटारी रात आहे

रंग डोळ्यांचा कसा हा लाल माझ्या,
यात देशीचा जरासा हात आहे

घेउनी ती बैसली दिनदर्शिका का?
वाटते मज वेगळी ही बात आहे!

काय मी आता करू या बायकोचे
झोपताना लाटणे हातात आहे!

"केशवा"ला काल इतके चोपलेकी
एक ना तोंडात त्याच्या दात आहे!

-केशवसुमार

  यंदाच्या मनोगत दिवाळी अंकासाठी आपले उत्तमोत्तम लेखन पाठवणार आहात ना?