एका नटीची पत्रकाराकडे तक्रार. स्फूर्तिस्थान - सुरावटीवर तुझ्या उमटती
मुलाखतीतुन तुझ्या प्रकटती, अचुक कुणाला केव्हा पटले
नकोस छापू अशा बातम्या, तुझ्यामुळे, रे, जगा समजले
तुझ्यामुळे, रे, जगा समजले
कैक रात्री मी धुंद जागले, आई-बाबा होते निजले
जागरणाचे ठिकाण, कारण, तुझ्यामुळे, रे, जगा समजले
तीन नटांची भेट जाहली, डायरेक्टरला अपुले म्हटले
अमुच्यामधले नाते लवचिक, तुझ्यामुळे, रे, जगा समजले
तुला कळाली येणी-जाणी, 'गूज' खोलवर केव्हा रुजले
'ब्रेकिंग' केली 'न्युज' तयाची, तुझ्यामुळे, रे, जगा समजले
चित्रपटांचे क्षेत्र मनोहर, नवरी होउन कितिदा सजले
मधुचंद्राच्या विवाह नंतर, तुझ्यामुळे, रे, जगा समजले
तुझ्या बातमीमुळेच माझे, नटी म्हणोनी भाव उतरले
तुझ्यामुळे, रे, जगा समजले
