५०० ग्राम बरणीतल्या /टीन मधल्या पाकातल्या लाल चेरी
(ह्या चेरी आंबटगोड असतात म्हणून फ्लेवरला वॅनिला किवा तत्सम कोणताही इसेन्स न घालता लिंबाचा रस+सालं घाला,
व जर लिंबाचा इसेन्स मिळाला तर तो १/२ चमचा घाला.)
दीड तास
१६ तुकडे
पाकातल्या चेरी चाळणीवर टाकून पाक निथळत ठेवा. बटर चांगले फेटा, त्यात साखर मिसळा आणि परत फेटा. अंडी फोडून त्यात घाला व फेटा. लिंबाचा रस व किसलेली सालं घाला, लेमन इसेन्स असेल तर तो घाला. मैदा + बेकिंग पावडर+ चिमूटभर मीठ एकत्र करा व ते वरील मिश्रणात थोडे, थोडे घाला व फेटा. मिश्रण एकजीव झाले की संत्रा किवा अॅपल ज्यूस घाला. केक मोल्ड ला बटर लावा, त्यावर वरील मिश्रणातल्या निम्म्यापेक्षा थोडे जास्त मिश्रण घाला. त्या मिश्रणावर चेरीज पसरून घाला व उरलेले मिश्रण घालून चेरी झाकून टाका. १७० अंश से ला प्रिहिटेड अवन मध्ये ४० ते ४५ मिनिटे बेक करा. नेहमीप्रमाणेच- केक झाला की नाही ते विणायची सुई किवा सुरी खुपसून पाहा. मिश्रण न चिकटता सुई/सुरी बाहेर आली म्हणजे केक झाला. अवनचे दार उघडून केक तेथे तसाच ५ मिनिटे राहू द्या. नंतर बाहेर काढून अजून ५ मिनिटे तसाच ठेवा. आणि त्यानंतर जाळीवर काढून पूर्ण गार होऊ द्या. पिठीसाखरेने सुशोभित करा.
चेरी केक अनेक प्रकारांनी बनवता येतो त्यापैकी हा चेरी केक तुम्हाला माहित आहेच:- दुवा क्र. १
चेरी केक- प्रकार २
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.