आमची प्रेरणा पुलस्ति यांची सुरेख गझल कळेना
मुलांना कसे थांबवावे कळेना
नव्याने कसे हे घडावे कळेना
जमाना असा, सर्व चालून जाते
तिने का असे आखडावे - कळेना
किती माहिती ही, किती तज्ञ सल्ले
कसे नेमके मी करावे - कळेना
तिला नेमका आज उत्साह आला!
कसे हे पुन्हा मी गळावे - कळेना
बिचारी बघा चिंब ही पार झाली
"कुठे केवढे कोसळावे कळेना?"
पुन्हा वाचले, खोडले शेर सारे
कशाला असे गिरगटावे - कळेना
जरा आज चावट असे सुचत जाता
कुठे "केशवा"ला लपावे - कळेना!
