| प्रत्तेक क्षणात तू |
| क्षणातल्या सुक्ष्मातही तूच! |
| कधी फुलांचा सुगंध |
| कधी वारयाची झुळूक |
| कधी पावसाची सर |
| येतोस घेउनी अवचित तू |
| प्रत्तेक क्षणात तू |
| क्षणातल्या सुक्ष्मातही तूच! |
| प्रत्तेक धागा मनाचा |
| तुझ्या मनाशी ओवलेला |
| श्वासही गुंतलेले श्वासात |
| हर -एक स्पंदनात तू |
| प्रत्तेक क्षणात तू |
| क्षणातल्या सुक्ष्मातही तूच! |
| पहाटेच्या गोड गारव्यात |
| सकाळच्या कोवळ्या उन्हात |
| सांजवेळी धुंद आसमंतात |
| रात्रीच्या काळोखातही तूच |
| प्रत्तेक क्षणात तू |
| क्षणातल्या सुक्ष्मातही तूच! |
| होऊनी स्वर गळ्यात येतोस |
| नजरेतून काळजात शिरतोस |
| घेउनी हास्य ओठांवर येतोस |
| होऊनी आसव गालांवर ओघळतोस तू |
| प्रत्तेक क्षणात तू |
| क्षणातल्या सुक्ष्मातही तूच! |
| आरशात पाहते स्वतःला |
| हळूच न्याहाळत असतोस तू |
| एकांती उदास मनात माझ्या |
| फुलोरे घेउनी येतोस तू |
| प्रत्तेक क्षणात तू |
| क्षणातल्या सुक्ष्मातही तूच! |
| घोटात पहिल्या चहाच्या |
| घासत प्रत्तेक अडकलेला तू |
| रात्रीच्या शुभ्र चांदण्यात |
| चंद्र होऊनी झळकलेला तू |
| प्रत्तेक क्षणात तू |
| क्षणातल्या सुक्ष्मातही तूच! |
| आठवणींचा विशाल सागर |
| विरहाच्या विदीर्ण कळा |
| जीवाच्या आर्त हाकेत |
| प्रेमळ साद घेऊन येतोस तू |
| प्रत्तेक क्षणात तू |
| क्षणातल्या सुक्ष्मातही तूच! |
| कामात तू ध्यानात तू |
| स्वप्नात अन कल्पनेतही तू |
| क्षितिजापर्यंत नजरेत माझ्या |
| असतोस फक्त तूच तू |
| प्रत्तेक क्षणात तू |
| क्षणातल्या सुक्ष्मातही तूच! |
| आत्म्यात तू स्पर्शात तू |
| प्रत्तेक उठणाऱ्या रोमात तू |
| चीरदाह वेदनेच्या लहरीत तू |
| प्रणयगंध देऊन जातोस तू |
| प्रत्तेक क्षणात तू |
| क्षणातल्या सुक्ष्मातही तूच! |
| हिशोब हा क्षणांचा माझ्या |
| किती सरळ किती सोपा |
| काठोकाठ भरला आहेस राजा |
| माझ्या कणा कणात तू |
| तू आणि तूच तू |
| प्रत्तेक क्षणात तू |
| क्षणातल्या सुक्ष्मातही तूच! |