चंद्र-तारे खूप झाले...!
चंद्र-तारे खूप झाले;
आता 'कोसळलेल्या उल्कांवर' लिही!
पाने-फुले नेहमीची;
आता 'उन्मळलेल्या मुळांवर' लिही!
प्रेमभंग नित्याचा;
आता 'रोजच्या' विनयभंगावर लिही!
तुलसी-महात्म्य पुरे ;
-अता 'बाटवलेल्या गंगांवर' लिही!
हिरवा मळा छानच;
आता काटेरी कुंपणावर लिही!
भाटगिरी सोड आता
- राजाच्या माजोरेपणावर लिही!
माझे, मी , खूप आता,
आतल्या 'कमी'पणावर लिही!
आणि सिरीयल्सचा 'आत्मा' असलेल्या,
छद्मीपणावर लिही!
जीवघेणे कटाक्ष बस;
-आता रोजच्या 'जीव देण्यावर' लिही!
आणि हुंडा घेउनही 'सावित्रीचा',
जीव घेण्यावर लिही!
कर्माचे ओझे ग्रंथात;
-आता पुस्तकांच्या ओझ्यावर लिही!
तिचे सौभाग्य लेणे विस्कटणाऱ्या,
कर्जाच्या बोज्यावर लिही!
हिरवाईचे वर्णन 'वाचले रे',
'न वाचणाऱ्या' वनराईवर लिही!
अन आपण स्वत:ला लोटतोय, वेड्या ;
त्या भयाण खाईवर लिही!
-मानस६