.. खरे सांगतो !
कसे भेटले, तुलसी आणि मिहीर विरानी- खरे सांगतो
खूप भावली, महिलांना ही सोप-कहाणी- खरे सांगतो
कुठून आला, बाप तिचा हा, कसे मला ते, दिसले नाही;
मारून खाऊनी , आले माझ्या नयनी पाणी- खरे सांगतो
हवा तुझ्या येण्याची खबर,आणता; गुदमरलो, मी ही
कधी तरी तू, धूत जा या जीन तुमानी- खरे सांगतो
समय असा की! बोललीस तू, ऐकले परि, कळले नाही;
हतात होती, गोड गुलाबी मदिरा राणी- खरे सांगतो
आज म्हणे, येणार घरी ती! राहण्यास अन, डास किती हे,
घरात माझ्या, आणि नसावी, मच्छरदाणी?-खरे सांगतो
पुलाखालच्या, वस्तीमध्ये, रोज कुणा ती भेटत होती?
"लफड्याची या, जगास आता दिसे निशाणी-खरे सांगतो"
-केशवसुमार
ह्यातील सर्व शेर हे मनोगती कवी मानस ह्यांच्या ..पुन्हा सांग ना! गज़लेतील शेरांचा विडंबानुवाद आहे.