आठवण आहे साथी...!
डोळे तुझे ओले, कळजी तुझ्या स्वरांत;
निघालो मी दूर दूर, दूर होणार क्षणात!
एकटा कसा रहाशील..? उत्तर माझ्या ओठी;
एकटा कुठे वेडे, तुझी आठवण आहे साथी...!
नभामध्ये चंद्र, सभोवती तारे,
आसवे पाहुन माझी चिंतातुर सारे;
एकटा का रे रडतोस..? उत्तर माझ्या ओठी;
एकटा नव्हे वेड्यांनो, तिची आठवण आहे साथी...!
विचार येत रहातात,कविता लिहीत रहातो;
वाचाणारा प्रत्येकजण आश्चर्य्चकित होतो;
एकटा कसे रे इतके लिहीतो..? उत्तर माझ्या ओठी;
एकटा नव्हे वेडयांनो, तिची आठवण आहे साथी...!
मध्ये काळ गेला, आता तू दिसलीस;
डोळी पाणि, ओठी प्रश्न; गोंधळुन गेलीस;
अजुनसुध्दा एकटा कसा...?उत्तर माझ्या ओठी;
एकटा कुठे वेडे, तुझी आठवण आहे साथी...!
:-अनिरुध्द.