मला 'ते' व्हायचे आहे
अन मला 'हे' नको आहे-
पण कुणाला तरी हवे आहे
जे आज माझ्याकडे आहे !
हेवा मम सुखाचा कुणा वाटे
परदुःख शीतल दिसे हेची खरे -
तयांना काय कल्पना त्याची
मला जे लागते भोगावे !
माहीत आहे माझे मला की -
होरपळ चालली आहे कशी
मीच म्हणुनी सोसतो ती
इतरां ते जमणार नाही !
सुटण्या अशा या त्रासातुनी
बस, मला 'हे' नको आहे-
मला 'ते' हवे आहे, मी
कांहीही मोल देण्या तयार आहे !
असे हे असले तरी
नवल वाटे मला त्याचे-
कुणा अन्या वाटे हवेसे
जे आज माझ्याकडे आहे !!
