सखा श्रावण आला
काळा काळा ढग
पिवळ्या उन्हानं माखला
गोफ सप्तरंगी गुंफीत
नभ रंगपंचमी खेळला
ओथंबल्या ढगातून
सर मोत्याचा ओघळला
हळदी सांडल्या धरणीचा
पल्लव पाचूंनी मढला
लजलाजता सजनी
आसमंत काळोखी न्हाला
कोल्हा डोंगरात रडता
पाउस नागडा झाला
रानफुलांच्या संगतीनं
रानी हिर्वा झुला झुलला
हर्ष भरल्या पावश्यानं
' पेरते व्हा ' चा घोष लावला
मोती कधी, कधी सोनसळी सडा
नवलाई पांघरून
वनदेव झिंगला
चिंबचिंब झिम्माड करीत
सखा श्रावण आला
सखा श्रावण आला.......!!!
- उद्धव कराड, (मो. नं. ९८५०६८३०४५)
मु. जळगांव, ता. निफाड, जि. नाशिक.
