मा.राम स्वरुप, 'सिंदूर' -ह्यांच्या हिंदी कवितेतील काही           कडव्यांचा स्वैर भावानुवाद. 

        (मूळ स्त्रोत-www.anubhuti-hindi.org)                

                            तो छंद लिहावा...!

               कधी वाटते मला, असा तो 'छंद' लिहावा!
               मना-मनातुन रसिकांच्या, 'मकरंद' लिहावा!

               श्वास दरवळे ज्याचा, साऱ्या जीवनभर ह्या,
               वसंत करतो आर्जव - मी तो 'गंध' लिहावा!

               लाट रसांची उसळुन येता देहामध्ये,                
               'मधाळ मुक्ती' अन, 'बाहुंचा बंध' लिहावा!

               तिन्ही काल हे विरुन जाती क्षणात सारे,
              -यमुनातीरीचा तो 'परमानंद' लिहावा!

               कोण रुक्मिणी कृष्णाची,ठावे जगतासी,
               कोण असे राधा ती?- तो 'संबंध' लिहावा!             

                                            -मानस६