किती येत होते किती जात होते 

किती येत होते किती जात होते 
पहा सर्व पंडीत कोड्यात होते!

कसे थांबवू पोट माझे प्रवाही!
असे कालच्या काय खाण्यात होते?

जरी जाहले मग्न मी देवळात
परी चित्त माझे चप्पलात होते!

कशाला तयारी नव्याने फसाया ?
भले का कुणाचे विवाहात होते!

कशाला करा हात ओले अता हे
अता काम सारे , चिठोऱ्यात होते

 कुणाला कधी ना, दिले ते तुला मी
तसे सर्व माझे हिशोबात होते

रडे ती अशी आज भलत्याच वेळी
(पुन्हा घोळ झाले हिशोबात होते!)

       शिवीगाळ ही "केशवा" रोज होते....
जरी व्यंग  त्यांच्याच काव्यात  होते

- केशवसुमार

आमची प्रेरणा कारकून यांची  वैभव जोशी ह्यांच्या गझल कार्यशालेतील जमीनीवर आधारित (सौजन्य- मायबोली) गझल ऋतू येत होते ऋतू जात होते