फाटकाबाहेर गाईला नैवेद्य लावून
आजीबाई आत गेल्या
पॉलिथीनच्या पिशव्यांनी पोट फुगलेली गाय
पुरणपोळी खाईना तेव्हा
दबकत आलेल्या कुत्र्यानं राजरोसपणे तोंड घातलं
दहा ठिकाणी नैवेद्य खाल्लेला कुत्रा
अर्धिच टाकून गेला पुरणपोळी
तसं डुकरानंही हुंगून घेतलं जाता जाता
आता भिंतीशी दडलेली
माणसाची पिलं बाहेर आली
कुणीच नसलेलं बघून
रिकामं भांडच चाटून गेली
जरा वेळानं आजीबाई लंगडत आल्या,
पुण्यानं भरलेली ताटलीच घेऊन गेल्या!
