चालली ही माणसे सारी कुठे?
संपते ही वाट अंधारी कुठे?

कोण जो, नाही जुगारी जाहला?
माहिती कोणास, व्यापारी कुठे?

वाटतो मी दुःख पाण्यासारखे
पाहिली आहेच बेकारी कुठे?

दर्शनाची रांग येथे पोचली
जायचे होते तुझ्या दारी कुठे?

लक्ष्य आवाक्यात जेव्हा भासते
राहतो तेव्हा धनुर्धारी कुठे?

चित्रगुप्ता धाड माघारी मला
दुष्मनी झाली कुठे... यारी कुठे

मी तुझ्यानंतर उरावे ईश्वरा
एवढा आहेस तू भारी कुठे?