'कोण येते पेरणीला'... प्रश्न हा शेतापुढे!
टाकुनी लेंड्या खताला, चालल्या मेंढ्या पुढे

रेडकाला हे कळेना 'मी कशाला जन्मलो'
खरवसासाठी म्हशीला बांधले रेड्यापुढे

श्रावणामध्ये अनीती पाहुनी पळतोस तू?
भाद्रपद येणार आहे ईश्वरा याच्यापुढे

'कायदा' आला नवा, बैलांत झाल्या चुळबुळी
'यापुढे कैसे चरावे मोकळ्या सांडापुढे?'

'बांधतो घरटे इथे, तिकडेच अंडी घालते'
'काय मी व्हावे कवी' हा प्रश्न कोकीळापुढे