सांग माहेरी सदा तू राहण्याची कारणे
तीच माझ्या वेदना आनंदण्याची कारणे
तीच शेजारीण आहे बोलतो मी, लाघवी
ऐकता चोरून मिळती भांडण्याची कारणे
मेहुणी माझी तुझीही लागते भगिनी तरी
सांग तू दुस्वास मग आरंभण्याची कारणे
वाढता तव घेर बघुनी हर्ष मम्मीला तुझ्या
माय पुसते आज माझ्या वाळण्याची कारणे
मी तरी होहोच म्हणतो खानदानी रीत ही
तुज तरी मिळती कुठूनी वसकण्याची कारणे
धूर्त शेजाऱ्यास कळले आज ती नाही घरी
जाणती ते शांततेच्या नांदण्याची कारणे
ती तुझ्या प्रेमात आहे कैद तुज केले तरी
दूर कर "निशिकांत" मुसक्या बांधण्याची कारणे
निशिकांत देशपांडे मो.नं. ९८९०७ ९९०२३
दुवा क्र. १
