श्री.अ.अ.जोशी यांच्या हझलेवरील हझल
(विडंबनाचे विडंबन)
हझल
जमेल तितकी हझल अरे मी करून घेतो!
हसे जरी जाहले तरी मी हसून घेतो!!
कशास इस्लाह बोलती ते मला न ठावे;
गुरूविना मी किती किती मोहरून घेतो!
कळावयाचे कधी जगाला? हुशार मीही....
म्हणून हझलेमधे मती पाजळून घेतो!
खुशाल गझला दळा तुम्ही रोज रोज तुमच्या;
फुकट इथे मी हळूच हझला दळून घेतो!
गझल कशी, अन् हझल कशी ते न जाणतो मी;
तरी हझलकार मी स्वत:ला म्हणून घेतो!
हसा, रडा, वा जळा, तुम्ही जे करा हवे ते!
मला हवी मी तशी हझल छापवून घेतो!!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
