कधीही भेंडी घेताना, कोवळी, हिरवीगार, मध्यम आकाराची पाहून घ्यावीत. भेंडीचे टोक (देठाकडचे नाही, विरूद्ध बाजूचे), भेंडी मुठीत धरल्यावर, अंगठ्याने चट्कन मोडले पाहीजे. 

भेंडी स्वच्छ धुवून, पातळ कपड्याने नीट पुसून कोरडी करून घ्यावी. नंतर, दोन्ही टोके काढून टाकून, भेंडीचे २ इंच लांबीचे तुकडे करून घ्यावेत. 

कढईत तेल तापवून फोडणीला जिरे टाकावे. जिरे तडतडल्यावर, भेंडीचे तुकडे टाकून परतून घ्यावेत. भेंडी अर्धी शिजल्यावर तिखट, हळद, मीठ आणि ताक घालून भाजी मिसळून घ्यावी. मंद गॅसवर भाजी शिजवून ताक जरा आटले की खाली उतरवावे. जेवण्या आधी कोथिंबीर भुरभुरून घ्यावी.

शुभेच्छा...!